Nimin khan Sports Minister Pu Zodintluanga chuan Mizoram Police
Sports Meet vawi – 15 na, ni nga chhunga awh tur (March ni 27 – 31) chu Rajiv
Gandhi Sports Stadium Mualpui-ah a hawng. Hawnna programme ah hian DGP Pu
Lalrokhuma Pachuau IPS chuan in lawmna thu a sawi a, Police senior officer
thahnem tak an tel a ni.
Sports Meet hawnna programme ah hian Pu Zodintluanga chuan
Mizoram Police chu India ramah Police tha ber leh chhuanvawr berte zing ami an
nih thu sawiin Mizoram mai nilo India ram hmun dangah pawh duty-in an chhuak
thin fo thin a tiin India a Police
tha ber ni turin
duhsakna a hlan a. Mizoram
Police te thawhrimna leh inpekna ah zarah Zoram mipui te chuan ngaihngam tak
leh thlamuang takin zanah an mu thei a ni a ti.
Mizoram Police leh Sports Department chuan inkungkaihna nasa tak
an neih thusawiin Mizoram Police infiammi te hian inelna chi hrang hrang North
East level leh national level ah medal la te chuan Mizoram hming an ti mawi a
ti a. Tunhnaia Asia khawmual huapa Muay Thai inelna Bangkok-ah neih ah Mizoram
Police infiammi ten India aiawh a an kalna ah medal zu la in Mizoram tan
chawimawina an hawn thu a sawi bawk a ni. Sorkar chuan Rajiv Gandhi Sports
Stadium sak zawh anih hunah chuan Home Department kuta dah a, he hmun a Police
Battalion awm te enkawl turin ruahman a tum thu a sawi a ni.
Police
Meet ah hian Battallion hrang hrang atangin Contingent sawm an tel a ni
No comments:
Post a Comment