Nizan(4/1/12)a Maubawka kangmei chhuakah mi pathum, puitling 1 leh naupang 2 an thi. He kangmei chhuah hun hi zan dar 8:15 vel kha a ni a, Maubawk Sikul Veng South-a Pi Thanghlunchhungi In, Assam Type-a sak, chhungkaw thum luah lai chu a kang a, vanduaithlak takin mi pathum an kang hlum a ni. Pi Thanghlunchhungi In hi Mizo chhiara chhawng 3 a ni a, in neitu nu hi a chung berah a cheng a, in kan lai hi in neitunu len chhuah hlan nia thu dawn a ni. A chhawng lai ta hi Pu Vanlalngheta Hnamte te chhungkua-in an luah a, Pu Ngheta te hian fa 4 an nei a ni. Nizan kha Maubawk Sikul Veng Presbyterian Kohhrana rawngbawltute inhlan thar zan
a nih avangin Pu Vanlalngheta te nupa leh an fa naupang ber chu an inkhawm a, an inah hian Pi Denghliri, kum 46 mi, Central Jail Venga awm, Maubawk PHE Office-a thawk chu a riah dawn avangin an fa dang 3 chu a lo awmpui a, kangmei a chhuah takah hian an fa upa ber, Lalpeksanga, kum 10 mi chuan a naute muhil chu kaihthawh a tum a, a kaihthawh zawh loh avangin a tlan chhuak a, a naute pahnih – Lalhmingsanga, kum 6 leh Laldinthara, kum 4 mi bakah Pi Denghliri chu vanduaithlak takin an kang hlum ta a ni. In hnuai ber hi Pu Thanzira te chungin an luah a, anni chhung erawh hi chu vanneihthlak takin an insaseng hman a ni. Kangmei chhuah chhan hi hriat a ni lova, mei hi a alh chak em avangin thelh a har hle a, mi tlawmngai thawk chhuakten theihtawpin thelh an tum na a, an hlawhtling mai thei lo niin a hmuna kal, kan corr. chuan a sawi. Kang thelh pawlte awmna a hlat tham deuh avangin kangthelh pawl an thlen meuh chuan a nih tur ang ang a lo ni hman titih tawh a, kang an thelh fel hnu-ah hian mi tlawmngai kal khawm leh Police-ten ruang hi an zawng nghal a, an hmuh kim hnuah kuanga dah nghalin, mipa naupang, unau lainatawm takte ruang hi nizan khan Maubawk Sikul Veng Kohhran Hall-ah tlaivarpui a ni a, Pi Denghliri ruang hi Central Jail Veng-ah lak a ni thung a ni. Lalhmingsanga leh a nau, Laldinthara hi vawiin chhun dar 12 khan thlan khatah phum an ni a. Anmahni lainattu thahnem tak an tel a ni. Pu Vanlalngheta te chhungkua hi Maubawk Sikul Veng Presby. Kohhran Biak In complex-ah hmun ruak remchangah an invawm lut phawt a, an chenna tur a fel hunah a remchan danin an la insawn chhuak leh dawn a ni. Mitthite vui an nih hnu hian khawtlangin in kang hi hnatlangin a theih ang angin an singsa nghal a ni. Nizana kangmei chhuahna hmunah hian Home Minister, Pu R. Lalzirliana bakah Police hotu thahnem tak an kal bawk a, vanduaina tawkte tanpuina chi hrang hrang pe an awm nual bawk. Home Minister hian sorkarin vanduaina tawkte a chhawmdawl dan tur pawh a puang a ni.
a nih avangin Pu Vanlalngheta te nupa leh an fa naupang ber chu an inkhawm a, an inah hian Pi Denghliri, kum 46 mi, Central Jail Venga awm, Maubawk PHE Office-a thawk chu a riah dawn avangin an fa dang 3 chu a lo awmpui a, kangmei a chhuah takah hian an fa upa ber, Lalpeksanga, kum 10 mi chuan a naute muhil chu kaihthawh a tum a, a kaihthawh zawh loh avangin a tlan chhuak a, a naute pahnih – Lalhmingsanga, kum 6 leh Laldinthara, kum 4 mi bakah Pi Denghliri chu vanduaithlak takin an kang hlum ta a ni. In hnuai ber hi Pu Thanzira te chungin an luah a, anni chhung erawh hi chu vanneihthlak takin an insaseng hman a ni. Kangmei chhuah chhan hi hriat a ni lova, mei hi a alh chak em avangin thelh a har hle a, mi tlawmngai thawk chhuakten theihtawpin thelh an tum na a, an hlawhtling mai thei lo niin a hmuna kal, kan corr. chuan a sawi. Kang thelh pawlte awmna a hlat tham deuh avangin kangthelh pawl an thlen meuh chuan a nih tur ang ang a lo ni hman titih tawh a, kang an thelh fel hnu-ah hian mi tlawmngai kal khawm leh Police-ten ruang hi an zawng nghal a, an hmuh kim hnuah kuanga dah nghalin, mipa naupang, unau lainatawm takte ruang hi nizan khan Maubawk Sikul Veng Kohhran Hall-ah tlaivarpui a ni a, Pi Denghliri ruang hi Central Jail Veng-ah lak a ni thung a ni. Lalhmingsanga leh a nau, Laldinthara hi vawiin chhun dar 12 khan thlan khatah phum an ni a. Anmahni lainattu thahnem tak an tel a ni. Pu Vanlalngheta te chhungkua hi Maubawk Sikul Veng Presby. Kohhran Biak In complex-ah hmun ruak remchangah an invawm lut phawt a, an chenna tur a fel hunah a remchan danin an la insawn chhuak leh dawn a ni. Mitthite vui an nih hnu hian khawtlangin in kang hi hnatlangin a theih ang angin an singsa nghal a ni. Nizana kangmei chhuahna hmunah hian Home Minister, Pu R. Lalzirliana bakah Police hotu thahnem tak an kal bawk a, vanduaina tawkte tanpuina chi hrang hrang pe an awm nual bawk. Home Minister hian sorkarin vanduaina tawkte a chhawmdawl dan tur pawh a puang a ni.
No comments:
Post a Comment